!!!ACHTUNG!!!ACHTUNG!!!
!!!Nöie Probetag!!!
Ab sofort isch üse Probetag der Donnstig,
ersti Donnstigprob am 05.03.26!
Zyt blybt glych: vo 20:00 bis 21:30,
o der Ort isch der glych:
Gmeins-Sau, Hauptstr.2, 4583 Mühledorf SO
Dä bsunger Momänt:
we Du it Reihe steisch,
Dir öpper ä Ton gitt
u de äs Jodulied ertönt,
we's de afaht Gramüsele u Hühnerhutte,
us Dir d'Höörli z'Bärg steut!!!
Dä Momänt; und no viu meh chasch
Du by üs im "Echo vom Buechibärg"
erläbe und gniesse!!!
Chumm, probiers doch eifach mou us
und wird teil vo üsem
"Unesco Wältkulturerbe",
das isch Jodle nämlich!!!
Hätsch Luscht uf Singe?
De wird doch Teil vo üsem Jodlerklub!
Mir si e offene, fröhliche Jodlerklub wo ou Gselligkeit pflegt
u sueche Sängerinne u Sänger,
i aune Stimmlage!
(1. Tenor, 2. Tenor, 1. Bass und 2.Bass)
We Du gärn duesch Singe und fröid a schöne Jodulieder hesch,
de bisch Du by üs genau richtig!
Jodle muesch nit chönne, Houptsach isch;
Fröid am Singe, ar Gselligkeit und Kameradschaft!
Wenn? Jede Donnstig, 20:00 – 21:30 Uhr
Wo? Gemeindesaal, Hauptstr.2, 4583 Mühledorf (SO)
Schryb äs Whats-App, äs Mail, Lüt aa
oder chum doch eifach cho Ycheluege u due Schnuppere!
Mäude chasch Di by jedem Klubmitglied, bym
Beat Schär, Präsident: 079 432 22 45, [email protected]
...oder by eim vo de Vorstandsmitglider i der Rubrik «Kontakte/Vorstang».
Mir fröie üs uf Dy Stimm und Dys kameradschafliche Wäse!
Hiuf doch üses schöne Bruchtum, am Läbe z'erhaute!
Singe Dis nöie Hobby; warum nit? Wiu Gsang isch gsung!
Üse Jodlerklub suecht ou
ä Dirigäntin oder ä Dirigänt
Hesch Inträsse, üse Jodlerklub mit Fröid u mit Gspüri für Kameradschaft u Tradition ds leite?
Derby isch es egau, ob du scho e Klub oder Chor gleitet hesch oder no Aafänger/in bisch.
Mir si es kameradschaftlichs Tschüppli vo Sängerinne u Sänger, vo Jodlerinne u Jodler
u biete es härzlichs u offnigs Umfäld für regelmässigi Probe u glägentlichi Uftritte.
Bisch interessiert?
De mäud di by üsem Präsident Beat Schär: 079 432 22 45, [email protected]
oder by eim vo de Vorstandsmitglider i der Rubrik Kontakte/Vorstang.
Mir fröie üs uf di!
Plansch äs Feschtli irgendwo,
Hochzyt, Geburi, Budefescht oder so
u Du hätisch gärn, wenn öper chäm cho singe?
De düe mir Dir gärn es Ständeli bringe!
(Über üses Honorar chame verhandle, je nach Anzau Lieder u Fahrzyt.)
Mäud di by üsem Präsident Beat Schär: 079 432 22 45, [email protected]
oder by eim vo de Vorstandsmitglider i der Rubrik Kontakte/Vorstang.
Entdeck üse Klub!
Klick obe links uf ds Rächteck mit de drei wysse Striche,
de chasch du no viu meh über's Echo erfahre!
Mir gseh und ghöre üs im 26zgi,
"mög ds'ganz Johr Glück u Fröid dir bringe!
Und wenn Du Glück u Fröid wotsch finge,
de muesch is Echo vom Buechibärg cho Singe!"