Entdeck üse Klub!

Klick obe links uf's Rächteck mit de wysse Striche,

de chasch Du e huffe erfahre!

So zum Byspiu wär üs duet Sponsore,

düet die doch bitte berücksichtige!

Aber äs lohnt sich o "Bilder & Videos" a z'klicke!

 

  !!!Plansch äs Feschtli irgend wo:

Hochzyt, Geburi, Budefescht, oder so

u hätisch gärn, wenn öper chäm cho singe?

De düe mir Dir gärn es Ständeli bringe!!!

Über üses Honorar chame verhandle, je nach azau Lieder u Fahrtzyt.

 

 

!! Mir sueche Sänger/inne i aune Stimmlage !!

Dä bsunger Momänt:

we Du it Reihe steisch,

Dir öper der Ton git

u  de äs'Jodulied ertöne,

wes de langsam Gramüselet u Hühenerhutet

u's Dir d'Höörli z'Bärg steut,

 dä Momänt; u no viu meh, chasch Du by üs erläbe u gniesse!

Du muesch nit chönne Jodle, mir bruche ou Begleitstimme wie

1.Tenor, 2.Tenor, 1.Bass oder 2.Bass.

Aber wenn Du möchtisch u chasch Jodle, umso besser!!! 

Eifach unverbindlich einisch cho ycheluege, oder nimm Kontakt uf!!

(lueg unger "Kontakte" oder bymne Mitglid, wo Du kennsch.)

 Mir probe jede Mäntig am 20:00 im Saau

vom Gmeinshuus z'Mühledorf.

(Ygang hinger am Huus, de d'Schtäge uf i Dachschtock, oder nimm der Lift)

!!!Mir Jodler/inne vom Echo rütsche gärn chlei usenang u mache Platz für Di!!!

Üses Motto "Gmüetlich zäme sy u Singe, wiu Gsang isch Gsung"!

(wenn's nit gloubsch due "ist Singen gesund" Google, dä seit's Dir de)

 

 

 !!Gly gly isch Chiubizyt!!

Es würd üs natürlich ufsteue,

wenn mir ar nächste Schnottuchiubi vom 10./11./12. 08. 2024,

zäme mit de Lüt vom TV, ir Kaffistube oder am Bierstang

für öich dörfti do si, um öich z'bediene!

Singe würde mir am Mäntig vo ca. 19:30-20:30!

Mir fröie üs uf öich,

bis ar Ougschtechiubi!! 

 

!!E grosse Dank a aui wo üs Migros-Bons hei lo zuecho,

äs het üs Fr. 353,33 ybracht, gäh das het ds'Müüsli gseit!!

 

!!Früheligskonzärt ihr Chiuche!!

!!!Üses wunderschöne 1. Frühligskonzärt ir Chiuche isch Gschicht!!!

E grosse Dank a aui wo üs si cho lose,

äs het gfägt für so nes tolls Publikum dörfe ds'singe.

Mir hoffe, dir heit glych viu Fröid u Spass gha wie mir,

trotz der relativ chaute Chiuche.

Es het aber o im Gmeinssau, by üser chlyne Festwirtschaft,

gfägt für öich dörfe do z'si u mit öich zäme z'Dorfe.

!!Merci viu mau für öie Bsuech!!

 

Jetz si o ds'Büreämter Chiuchesinge, wo mir Gastklub si gsi,

u ds'Wasserämter Jodukonzärt in Deitige Gschicht.

Zwöi schöni Konzärt, wo mir mit üsem Gsang hei dörfe mitgestaute.

Leider simer beidimau nit vouzählig gsi, schad!

 

Nachdäm mir, i der risige Schueualag vo Ennetbürge,

äntlich der richtig Ygang hei gfunge gha,

hei mir üsi Ufgab aus Demochor mit Bravour chönne erledige!