Äs isch leider wider einisch so wyt u
mir sueche ä Dirigäntin/ Dirigänt!!
By üs si ou Afänger/inne wiukomme!
Due di doch bim Präsident mäude, Tel. 079 432 22 45
oder b.schaer50@gmail.com
chasch ou unger der Rubrik "Vorstang/ Kontakte" luege
und äs Vorstandsmitglied kontaktiere.
Üsi 90zgisti HV isch erlediget!
Mir hei üs am Fr. 31.01.25 im Chrüz Mühledorf zur HV troffe.
Nach däm feine Znacht us der Chuchi vom Chrüz,
hei mir üsi Traktande zügig, friedlich u konstruktiv hinger üs brocht.
Üse Vorstang isch o ume Komplet, wiu d'Jaqueline Eberhart sich spontan
hett lo ufnäh u grad no Sekretärin macht, Danke Jaqueline!
Zum Schluss hei mir wider einisch z'Lied Kamerade gsunge,
i der Überzügig das mir das Lied, mit dene Lüt wo awäsend si,
mit ruhigem Gwüsse dörfe singe!!!
Entdeck üse Klub!
Klick obe links uf's Rächteck mit de drei wysse Striche,
de chasch Du e Huffe erfahre!
So zum Byspiu wär üs duet Sponsore,
düet die doch bitte berücksichtige!
Aber äs lohnt sich o "Bilder & Videos" a z'klicke,
oder klick uf "üse Chor" de gsehsch wär by üs no mitmacht!
Wenn Du Kontakt suechsch lueg unger Kontakte/Vorstang.
Dä bsunger Momänt;
wo Du it'Reihe steisch,
Dir öper der Ton gitt
u de äs Jodulied ertönt,
wes de afaht Gramüsele u Hühnerhute
us Dir d'Höörli z'Bärg steut;
dä Momänt, u no viu meh,
chasch Du by üs erläbe u gniesse!
!! Mir sueche Sänger/inne i aune Stimmlage !!
Üse Probetag isch der Mäntig
u zwar am 20:00 im Sau vom Gmeinshuus z'Mühledorf.
Chumm doch am ne Mäntig cho ycheluege u due Joduluft schnuppere!!
(Ygang hinger am Gmeinshuus, de d'Stäge uf i Dachstock, oder nimm der Lift)
Du muesch nit chönne Jodle, mir bruche ou Begleitstimme wie
1.Tenor, 2.Tenor, 1.Bass oder 2.Bass, ohni die geit's nit!
Aber natürlich isch, für die wos chöi, s'Jodle erloupt!
!!!Mir Sänger/inne vom Echo rütsche gärn chlei usenang u mache Platz für Di!!!
Üses Motto "s'Gmüetlich ha u zäme Singe, wiu Gsang isch Gsung"!
!!!Plansch äs Feschtli irgend wo:
Hochzyt, Geburi, Budefescht, oder so
u Du hätisch gärn, wenn öper chäm cho singe?
De düe mir Dir gärn es Ständeli bringe!!!
Über üses Honorar chame verhandle, je nach azau Lieder u Fahrtzyt.
!E heissi Schnottwil-Chiubi 2024 isch Gschicht!
E grosse Dank a aui wo by üs si cho ychere,
u öpis konsumiert hei,
Merci viu mau!!
E grosse Dank geit o ad'Lüt vom TV Schnottwil
für die gueti, rybigslosi Zämearbeit!!
Mir gseh üs hoffentlich ar Chiubi 2025 ume,
die isch de am 09./10. u 11. Ougste!
Der JK Echo vom Buechibärg
wünscht öich im 2025 nume z'Beste!
Uf widerluege und -lose.