"Bis dahin; es walte Gott"
!Mir truure!
Üse zwöit Tenor René Schaller het üs für gäng verloh,
sys Härz het am 11.10.25 ufghört mit schlo!
René mir vermisse di und
di schöni, sicheri 2. Tenorstimm!
Am 24.10. hei mir bim Hornusserhüsli Oberwil Abschied gnoh.
Aber wär weis äs scho;
villicht cha jo der René im Jerichopintli wyterhin
singe, örgele, auphörnle und Witze verzeue!
Üses Herbschtkonzärt zum 90zg Jährige besteh
vom JK Echo vom Buechibärg,
hei mir mit Pravur hinger üs bracht,
äs isch e schöne, gmüetliche u lockere Obe gsi!
Danke liebi Kameradinne u Kamerade!
Mir möchte üs ganz härzlich Bedanke u zwar:
bim SQ Chummlig wo üs ungerstützt hett,
de by üsne Pasivmitglider, Gönner und Sponsore,
wo üs grosszügig Ungerstützt hei!
(d' Sponsoreliste wird Zytnah aktualisiert)
De natürlich by däm tolle Publikum,
wo nachem Konzärt no mit üs,
by üsem Apéro, Dorfet hett!
O äs grosses Merci geit a die verschidene Jodelerdelegatione, mir wärde iri Konzärt,
wenn's müglich isch, o berücksichtige!
!!!Eifach aune ä grosse Dank!!!
D'Schnottwil-Chiubi 2025 isch Gschicht,
u das by herrlichem Wätter!!!
E grosse Dank a aui wo bi üs si cho ychere und
Kaffee/Kuchen, Bier, Wy oder Minerau konsumiert hei,
Merci viu mau!!!
E grosse Dank geit o a d'Lüt vom TV Schnottwil
für die gueti, rybigslosi Zämearbeit!
Mir gseh üs hoffentlich ar Chiubi 2026 ume!!!
Luege mir mou, was d'Zyt so bringt!!!
Üse Jodlerklub suecht
ä Dirigäntin oder ä Dirigänt
Hesch Inträsse, üse Jodlerklub mit Fröid u mit Gspüri für Kameradschaft u Tradition ds leite?
Derbii isch es egau, ob du scho e Klub oder Chor gleitet hesch oder no Aafänger/in bisch.
Mir si e kameradschaftlichi Gruppe vo Sängerinne u Sänger, vo Jodlerinne u Jodler
u biete es härzlichs u offnigs Umfäld für regelmässigi Probe u glägentlichi Uftritte.
Bisch interessiert?
De mäud di bi üsem Präsident Beat Schär: 079 432 22 45, b.schaer50@gmail.com
oder bi eim vo de Vorstandsmitglider i der Rubrik Kontakte/Vorstang.
Mir fröie üs uf di!
Hesch Luscht uf Singe?
De wird Teil vo üsem Jodlerklub!
Mir si e offene u kameradschaftliche Jodlerklub
u sueche Sängerinnen u Sänger,
Jodlerinne u Jodler.
We du Fröid am Singe u a volkstümlicher Musig hesch, de bisch du bi üs genau richtig!
Ke Angscht, du muesch nid chönne jodle – Houptsach du hesch Fröid am Singe u a üsne traditionelle u volkstümliche Lieder.
Es isch egau, öb du scho Chorerfahrig hesch.
Wenn? Jede Mäntig, 20:00 – 21:30 Uhr
Wo? Gemeindesaal, Hauptstr.2, Mühledorf (SO)
Schrib üs, lüt üs aa oder chum eifach verbii:
Beat Schär, Präsident: 079 432 22 45, b.schaer50@gmail.com
Jacqueline Eberhard, Sekretärin: shesing@gmx.ch
...oder bi eim vo de Vorstandsmitglider i der Rubrik «Kontakte/Vorstang».
Mir fröie üs uf di!
Dä bsunger Momänt,
wo du id Reihe steisch,
dir öper der Ton git
u de äs Jodulied ertönt,
wes de afaht gramüsele u hühnerhute
us dir d'Höörli z'Bärg steut...
...settigi Momänte u no viu meh
chasch Du bi üs erläbe u gniesse!
Lue doch i üsne Rubrike unger Bilder u Videos u lah di lah inspiriere!
Mir Sängerinne u Sänger/Jodlerinne u Jodler
rütsche übrigens gärn chlei usenang u mache Platz für Di!
Üses Motto:
"Ses gmüetlich ha u zäme singe,
so wird ou d Kameradschaft glinge,
wiu Gsang isch gsung
u hiuft i mänger trüebe Stung!"
Entdeck üse Klub!
Klick obe links uf ds Rächteck mit de drei wysse Striche,
de chasch du e Huffe erfahre!
So zum Byspiu wär üs duet Sponsore,
düet die doch bitte berücksichtige!
Aber äs lohnt sich o Bilder & Videos adsklicke,
oder klick uf Üse Chor, de gsehsch, wär bi üs no mitmacht!
Wenn Du Kontakt suechsch lueg unger Kontakte/Vorstang.
Üsi 90zgisti HV isch erlediget!
Mir hei üs am Fr. 31.01.25 im Chrüz Mühledorf zur HV troffe.
Nach däm feine Znacht us der Chuchi vom Chrüz
hei mir üsi Traktande zügig, friedlich u konstruktiv hinger üs brocht.
Üse Vorstang isch o ume Komplet, wiu d' Jacqueline Eberhard sich spontan
hett lo ufnäh u grad no Sekretärin macht, danke Jacqueline!
Zum Schluss hei mir wider einisch z' Lied Kamerade gsunge,
i der Überzügig das mir das Lied mit de aawäsende Lüt
mit ruhigem Gwüsse dörfe singe!
"Kamerade wei mer sii, immer zämehäbe..."
Plansch äs Feschtli irgendwo,
Hochzyt, Geburi, Budefescht oder so
u Du hätisch gärn, wenn öper chäm cho singe?
De düe mir Dir gärn es Ständeli bringe!
Über üses Honorar chame verhandle, je nach Anzau Lieder u Fahrtzyt.
Mäud di bi üsem Präsident Beat Schär: 079 432 22 45, b.schaer50@gmail.com
oder bi eim vo de Vorstandsmitglider i der Rubrik Kontakte/Vorstang.
Der JK Echo vom Buechibärg
wünscht öich im 2025 nume z'Beste!
Uf widerluege und -lose.